Azərbaycan və Rusiya bərpaçılarının əməkdaşlığı - 2011
03 – 09 dekabr 2011-ci il tarixində Muzey Sərvətləri və Xatirə Əşyalarının Elmi Bərpa Mərkəzi direktoru Zərifə Məlikova Rusiyanın Bərpa üzrə Dövlət Elmi-Tədqiqat İnstitutunda mədəni sərvətlərin qorunması və bərpası zamanı əldə edilən son elmi nailiyyətlərlə, beynəlxalq təcrübədə qəbul edilmiş müasir üsullarla yaxından tanış olmaq, Mərkəzin elmi – metodiki fəaliyyətini gücləndirmək və bu Elmi-Tədqiqat İnstitutu ilə son illər ərzində əsası qoyulmuş əməkdaşlığı möhkəmləndirmək məqsədilə Azərbaycan Respublikası Mədəniyyət və Turizm Nazirinin göstərişi ilə Moskva şəhərinə ezam olunmuşdur.
Ezamiyyət müddətində Rusiyanın Bərpa üzrə Dövlət Elmi-Tədqiqat İnstitutunun bərpa və konservasiya sahəsində iş təcrübəsi, müasir avadanlıqları ilə tanış olmuş, nəşr edilmiş bir çox elmi kitablarla tanış olaraq bir qismini Mərkəz üçün əldə etmişdir.
06 dekabr 2011 –ci il tarixdə Azərbaycan Respublikası Mədəniyyət və Turizm Nazirliyi Muzey Sərvətləri və Xatirə Əşyalarının Elmi Bərpa Mərkəzi direktoru Zərifə Məlikova ilə Rusiya Federasiyası Mədəniyyət Nazirliyinin Bərpa üzrə Dövlət Elmi-Tədqiqat İnstitutunun direktoru Aleksandr Trezvov arasında qarşılıqlı əməkdaşlıq çərçivəsində bərpa işinə dair elmi metodiki vəsaitlərin hazırlanmasında qarşılıqlı informasiya dəstəyi, qarşılıqlı elmi tövsiyələrin verilməsi, birgə simpozium, konfrans, seminar və s. keçirmək yolu ilə qarşılıqlı təcrübə mübadiləsi və s. barədə saziş imzalanmışdır.
Aprel 27, 2011
Geri