Muzey Sərvətləri və Xatirə Əşyalarının Elmi Bərpa Mərkəzi ilə Rusiyanın Bərpa üzrə Dövlət Elmi-Tədqiqat İnstitutu arasında qarşılıqlı əməkdaşlıq davam edir

MSXƏEBM-nin direktoru Zərifə Məlikova və direktor müavini İranə Allahverdiyeva Mərkəzimizlə Rusiyanın Bərpa üzrə Dövlət Elmi-Tədqiqat İnstitutu (QosNİİR) arasında qarşılıqlı əməkdaşlıq çərçivəsində bərpa və konservasiya sahəsində təcrübə mübadiləsi və s.-yə dair sazişi yeniləmək, habelə QosNİİR–in dəvəti ilə cari ilin 30-31 oktyabr tarixlərində keçirilən və İnstitutun “Dəzgah tempera boyakarlığının elmi bərpası şöbəsi”nin 65 illik yubileyinə həsr olunan növbəti “XXI Lelekov mühazirələri” adlı tədbirə qatılmaq məqsədilə Moskva şəhərinə ezam olunmuşlar.

Oktyabrın 29-da Mərkəzlə QosNİİR arasında qarşılıqlı mübadilə və əməkdaşlıq barəsində bağlanmış saziş yenilənərək imzalanmışdır. Növbəti gün tədbirdə Mərkəzin direktoru Zərifə Məlikova salamlama nitqi və “Ağac heykəllərin bərpasında MSXƏEBM-in rolu” adlı təqdimatla, İranə Allahverdiyeva isə «MSXƏEBM-də bərpa olunan ikonaların tədqiqi problemləri» məruzə ilə çıxış etmişlər.

Tədbir zamanı Rusiya Federasiyasının əməkdar incəsənət xadimi, Moskva şəhərinin fəxri bərpaçısı, ali dərəcəli bərpaçı rəssam, akademik O.V.Yaxontun “Bədii və elmi yaradıcılığın səhifələri” adlı 2 cildlik kitabının təqdimatı olmuş və kitab müəllif tərəfidən nümayəndələrimizə təqdim olunmuşdur.

Noyabr 05, 2024

Geri