“MSXƏEBM 60: MƏDƏNİYYƏT ABİDƏLƏRİ BƏRPAÇILARIN GÖZÜ İLƏ” ADLI TRENİNQ SEMİNAR VƏ FOTOSƏRGİ

Bu il Muzey Sərvətləri və Xatirə Əşyalarının Elmi Bərpa Mərkəzinin yaranmasının 60 ili tamam olur. Bununla əlaqədar bir sıra silsilə tədbirlərin keçirilməsi nəzərdə tutulmuşdur. Azərbaycan Respublikası Mədəniyyət və Turizm naziri cənab Əbülfəs Qarayevin əmri ilə Mərkəzin 12–14 iyun 2017–ci il tarıixlərində Masallı Tarix Diyarşünaslıq muzeyində Masallı, Yardımlı və Cəlilabad rayonlarının muzey əməkdaşları üçün təşkil etdiyi “MSXƏEBM 60: Mədəniyyət abidələri bərpaçıların gözü ilə” adlı treninq seminar və fotosərgi keçirilib.
Seminar zamanı iştirakçılara Mərkəzin fəaliyyəti ilə bağlı geniş məlumat verildi. Mərkəzin tarixindən bəhs edən, eləcə də Mərkəzdə aparılan bərpa və konservasiya prosesslərini əks etdirən video–çarxlar nümayiş etdirildi. Tədbirdə Mərkəzin direktoru Zərifə Məlikova, baş mühafiz İranə İbrahimova, rayon tarix–diyarşünaslıq muzeylərinin, qalereyaların direktor və əməkdaşları çıxış etdilər. Daha sonra iştirakçıların sualları Mərkəzin əməkdaşları – bərpaçı–rəssamlar: Pərviz Zeynalov və Elşən Heybətov tərəfindən ətraflı cavablandırıldı və muzey əşyalarının qorunmasına, saxlanması və s. dair tövsiyələr verildi.

İyun 12, 2017

Geri