LƏNKƏRAN 2009 – TƏLİM SƏRGİ

          2009-cu ildə Azərbaycan Respublikası Mədəniyyət və Turizm Nazirliyinin xətti  ilə MSXƏEBM tərəfindən  Lənkəran tarix-diyarşünaslıq  muzeyində  «Milli  irsimizi yaşadaq» adlı təlim-sərgidə  təşkil olundu. Sərgidə Lənkəran, Lerik, Astara və Masallı şəhərlərinin muzeylərində saxlanılan, mərkəzin əməkdaşları  tərəfindən ikinci həyat verilmiş unikal əşyalar, bu əşyaların bərpadan əvvəl və bərpadan sonrakı vəziyyətlərini əks etdirən fotoşəkillər nümayiş etdirilirdi.

Burada həmçinin  bərpaçılar tərəfindən yerindəcə  muzey əşyalarının bərpa və konservasiya üsulları  interaktiv  şəkildə muzey əməkdaşlarına nümayiş etdirildi,  əşyaların qorunub saxlanılması, konservasiyası, bərpasına dair suallar mütəxəssislər tərəfindən ətraflı savablandırıldı..